Skip Advt.

देश

३३ किलो सुनकान्ड प्रकरणमा थुनामा रहेका एसएसपी दिवेश लोहनीलाई  साधारण तारेखमा रिहा गर्न अदालतको आदेश

३३ किलो सुनकान्ड प्रकरणमा थुनामा रहेका एसएसपी दिवेश लोहनीलाई  साधारण तारेखमा रिहा गर्न अदालतको आदेश

काठमाडौं । साढे ३३ किलो सुनकान्डमा पक्राउ परेका प्रहरी वरिष्ठ उपरीक्षक एसएसपी दिवेश लोहनी साधारण तारेखमा रिहा गर्न आदेश दिएको छ । लोहनी क्षेत्रीय कारागार झुम्का सुनसरीमा रहेका छन् । डीएसपी सञ्जय राउतका सम्बन्धमा भने जिल्ला अदालतको आदेश सदर गरेको छ । डीएसपी राउतलाई थुनामा राखेर अनुसन्धान गर्न जिल्ला अदालतले आदेश दिएको थियो । 
उच्च अदालत विराटनगरले लोहनीलाई साधारण तारेखमा रिहा गर्ने आदेश दिएको हो ।

न्यायाधीशद्वय नागेन्द्रलाभ कर्ण र सारंगा सुवेदीको संयुक्त इजलासले साधारण तारेखमा रिहा हुने आदेश दिएको रजिष्ट्रार नारायण रेग्मीले जानकारी दिए । साढे ३३ किलो सुन र सनम शाक्य हत्या प्रकरणमा अनुसन्धानकै क्रममा अपराध महाशाखाका तत्कालीन एसएसपी लोहनीसहित केहि प्रहरी अधिकारी नै पक्राउ परेका थिए ।

उनलाई वैशाख १९ गते पक्राउ गरिएको थियो ।  जिल्ला अदालतको आदेश रितपूर्वक नभएकाले साधारण तारेखमा राखेर कारवाहीको प्रक्रिया अघि बढाउन आदेश दिएको रेग्मीले जानकारी दिए ।  सनम शाक्यको हत्यापछि शव लुकाउन गोरेलगायतका समूहले प्रहरीको सहयोग लिएको टेलिफोन कल सार्वजनिक भएपछि उनीहरु पक्राउ परेका थिए ।
 

तपाईंको मत